مەسعود بارزانی پێشوازیی لە بەرهەم ساڵح کرد

هەولێر - AA

سەرۆكی پێشووی هەرێمی کوردستان، مەسعود بارزانی پێشوازیی کرد لە سەرکۆماری عێراق، بەرهەم ساڵح.

بەگوێرەی ئەو راگەیەندراوەی کە لە بارەگای بارزانی بڵاوکراوەتەوە لە دیدارەکەدا، بارودۆخی سیاسیی عێراق، قۆناغی دوای هەڵبژاردنەكانی ئەنجوومەنی نوێنەرانی عێراق، رێگەچارەكان بۆ راستەڕێكردنی پڕۆسەی سیاسیی عێراق، تێپەڕاندنی تەحەددیات و پرسە هەنووكەییەكانی عێراق و هەرێمی كوردستان تاوتوێ کراوە.