بەهۆی بەفربارینەوە رێگای ٩٨ گوند لە رۆژهەڵاتی ئانادۆڵو داخرا

ئەرزەڕۆم- AA

لە شارەکانی ئەرزەڕۆم، قەرس و ئەرزنجان رۆژهەڵاتی ئانادۆڵو، بەهۆی بەفر و تەمەوە رێگای ٩٨ گوند گیران.

لە پارێزگای ئەرزەڕۆم بەهۆی بەفربارینەوە، رێگای ٧٤ گوند داخران و تیمەکانی شارەوانی دەستیان بە پاککردنەوەی رێگاکان کرد.

بە هەمان شێوە بەهۆی خراپی کەشوهەوا و شەپۆلی بەفربارینەوە لە شاری قەرس، رێگای پێنج گوند و لە شاری ئەرزنجان رێگای ١٩ گوند داخران، هەوڵەکان بۆ کردنەوەی رێگاکان بەردەوامن.

لە لایەکی دیکەوە تیمەکانی شارەوانی لە پارێزگای ئاگری، رێگای ٣٢٨ گوندیان کردەوە کە دوێنێ بەهۆی بەفربارینەوە داخرابوون.