لەکەناری رووباری دیجلە لە جزیر تەرمی گەنجێک دۆزرایەوە

شرنەخ- AA

لە کەناری رووباری دیجلە لە شارۆچکەی جزیری سەربە پارێزگای شرنەخ، تەرمی گەنجێک دۆزرایەوە.

دوای ئەوەی دانیشتوانی گەڕەکی دیجلەی شارۆچکەکە، تەرمی گەنجێکیان لە کەناری رووباری دیجلەدا بینی، لایەنە پەیوەندیدارەکانیان لێ ئاگادارکردەوە.

دواتر لە لایەن تیمەکانی تەندروستییەوە، تەرمەکە لەو شوێنەی کە لێی بوو هەڵگیرایەوە و بە مەبەستی ئەنجامدانی توێکاریی، رەوانەی پزیشکی دادوەریی لە نەخۆشخانەی گشتیی جزیر کرا.

هێزەکانی پۆلیس بە مەبەستی دیارییکردنی ناسنامەی گەنجەکە کە تەمەنی لە دەورووبەری ٢٠ ساڵیدایە، دەستیان بەکارەکانیان کردووە.