Aida Cako
13 Октомври 2025•Ажурирај: 14 Октомври 2025
СКОПЈЕ (АА) – Активисти што ја поддржуваат Палестина денес поставија големо палестинско знаме на планината Ликабет кај Атина, во знак на солидарност со палестинскиот народ поради тековниот конфликт во Појасот Газа, јавува Анадолу.
Знамето, кое може да се забележи од различни делови на грчката престолнина, беше поставено на врвот на планинскиот рид што се издигнува над центарот на Атина, симболично праќајќи порака за поддршка и мир.
Минатиот месец Трамп претстави план за прекин на огнот од 20 точки за Газа, кој вклучува ослободување на сите израелски заробеници во замена за околу 2.000 палестински затвореници, траен прекин на огнот и постепено повлекување на израелските сили од целиот Појас Газа.
Втората фаза од планот предвидува воспоставување нов управувачки механизам во Газа без учество на Хамас, формирање безбедносни сили составени од Палестинци и војници од арапските и исламските земји и разоружување на Хамас.
Од октомври 2023 година во израелските напади врз Појасот Газа убиени се повеќе од 67.600 Палестинци, повеќето од нив жени и деца.
