Dzihat Aliju
04 Јуни 2024•Ажурирај: 05 Јуни 2024
СКОПЈЕ (АА) - Во Скопје започна обуката „Од мајстор до чирак“ за преработка на скапоцен камен и производство на накит според анадолските вештини и традиции, јавува Анадолу.
На отворањето на програмата за обука во организација на Институтот „Јунус Емре“ присуствуваа претставници од турските институции и организации во земјава, инструктори, студенти и гости.
Амбасадорот на Туркије во Скопје, Фатих Улусој, во својот говор рече дека програмата има за цел да им обезбеди на учесниците од цела Северна Македонија важни вештини во областа на обработката на камен, што е незаменлив елемент на античката култура на Анадолија.
Тој рече дека светот на скапоцените камења и накитот не е само професионална професија, туку и анадолско наследство и традиција.
„Нашите предци ја совладале уметноста да претвораат груби камења во редок накит, ги врежале своите вештини во овие камења и ги пренеле своите знаења и вештини на младите умови според односот мајстор - чирак. Оваа програма има за цел не само да го зачува нашиот занает од античко време, туку и да го пренесе на новите генерации, и да обезбедиме светла иднина за нашите млади“, рече Улусој.
Турскиот амбасадор истакна дека учесниците на обуката ќе можат да ја градат својата иднина во Северна Македонија и да придонесат кон економијата на земјата, наместо да ја бараат својата иднина во друга земја, и им се заблагодари на оние кои придонесоа за бесплатната обука, која инаку би имала висока цена.
Координаторот на Институтот „Јунус Емре“ во Скопје, Ариф Конак, рече дека како институт ќе продолжат да работат со сите сили за да ги одржат живи овие вредности и да ги пренесат на идните генерации.
Зборувајќи за работата на Институтот, Конак рече дека меѓу повеќето активности, има и многу обуки кои ќе им помогнат на луѓето да стекнат професија.
„Учесниците на оваа обука, која се нарекува програма за обука за обработка на скапоцен камен и накит од Анадолија, од мајстор до чирак, под координација на нашиот институт, ќе го завршат курсот 'со златна нараквица' на рацете и од чираци, ќе станат мајстори“, рече Конак.
Програмата за обука ќе трае приближно две недели.
