Заменик помошникот на државниот секретар на САД во посета на Косово

ПРИШТИНА (AA) - Заменик на помошникот на државниот секретар на САД за европски и евроазиски прашања, Хојт Брајан Ји, со средбата со претседателот на Собранието на Косово Кадри Весели ја започна дводневната посета на Косово, јавува Anadolu Agency (AA).

Претседателот на Собранието Кадри Весели и Хојт Ји, разговараа за актуелните случувања во Косово и регионот, како и за одличните односи помеѓу Косово и САД, соопштено е од Собранието на Косово.

Хојт Ји, се наведува во соопштението, го уверил претседателот на Собранието, Весели во силната поддршка на САД кон Косово на патот на евро-атланските интеграции, изразувајќи безрезервна американска поддршка на Косово.

Исторемено, тој барал економскиот развој, порастот на транспарентноста, како и борбата против корупцијата да бидат приоритет во работата на косовските институции.

Ји и Весели разговараа и за одговорноста која ја има Косово, како независна и суверена држава во однос на своите граѓани, но и во однос на соседите.

Весели го информирал Ји за посветеноста на институциите на Косово да го спроведат напред процесот на европските интеграции, додека на внатрешен план работат на економскиот развој и зголемувањ на благосостојбата на граѓаните.

Во текот на престојот на Косово, најавени се негови средби и со другите косовски лидери, претставниците на заедниците и со другите политички претставници. Денеска,заменик државниот секретар на САД, Хојт Ји, се состана и со заменик премиерот на Косово Бранимир Стојановиќ и шефот на пратеничката група на Српска листа Славко Симиќ, како и со министерката за дијалог Едита Тахири.

Како што е соопштено од Амбасадата на САД во Приштина, Хојт Ји ќе одржи состанок и со министерот на Безбедносните сили на Косово (БСК), Хаки Демоли и командантот на БСК генерал-полковникот Рахман Рамај.