Mehmet Hatipoğlu
05 Декември 2019•Ажурирај: 06 Декември 2019
АТИНА
Грчкиот премиер, Кирјакос Мицотакис, изјави дека потешкотиите во грчко-турските односи можат да се надминат со добронамерност и волја од двете страни, јавува Anadolu Agency (AA).
Мицотакис во Лондон, во рамките на самитот на лидерите на НАТО, се состана со претседателот Реџеп Таип Ердоган, а на новинарите им рече дека на состанокот е разговарано за сите аспекти на билатералните и регионалните односи.
„Утврдено е дека постојат разлики во ставовите и договорено е министерствата за одбрана да ги продолжат преговорите за мерките за јакнење на безбедноста“, изјави Мицотакис.
Тој изјави дека за деталите од разговорот со Ердоган ќе ги информира лидерите на политичките партии во Грција.
„Грција од своите соседи очекува да го почитуваат нејзиниот суверенитет и да ја избегнуваат реториката и потезите што ги нарушуваат добрососедските односи и регионалната сигурност“, порача Мицотакис.
