Пленковиќ и европските функционери во посета на грчко-турската граница

ЗАГРЕБ (AA) – Хрватскиот премиер Андреј Пленковиќ, заедно со грчкиот премиер Киријакос Мицотаки и со Урсула фон дер Лејен, претседателката на Европската комисија, Шарл Мишел, претседателот на Европскиот совет и Давид Сасоли, претседателот на Европскиот парламент денес ќе ја посетат грчко-турската копнена граница, соопшти Владата на Хрватска, пренесува Агенција Анадолија (АА).

„Во однос на потенцијална мигрантска криза, Грција и Хрватска вложуваат големи напори во заштита на надворешните граници на Европската унија и за долгорочно решение на ова прашање е клучно да се постигне заеднички европски договор", истакнаа од кабинетот на премиерот Пленковиќ.

Со хрватскиот премиер ќе биде и Давор Божовиќ, потпретседател на Владата и министер за внатрешни работи на Хрватска.