Убиство во објектот на Агенцијата за разузнавање на Косово

ПРИШТИНА (АА) - Во објектот на Агенцијата за разузнавање на Косово утрово со огнено оружје е убиено едно лице, пренесува Anadolu Agency (AA).

Агенцијата за разузнавање на Косово соопшти дека случајот не е поврзан со активностите на Агенцијата.

„Денеска, 4.9.2018 година, во објектот на Агенцијата за разузнавање на Косово е употребено огнено оружје, при што еден службеник на внатрешната безбедност пукал во вработен во бифето. Жртвата починала во Универзитетскиот клинички центар на Косово. Случајот не е поврзан со активностите на Агенцијата“, се вели во соопштението на Агенцијата за разузнавање на Косово.

Во соопштението се наведува и дека истрагата за случајот ја презел надлежен обвинител.