„Турција има за цел да го зголеми извозот на машини во Германија"

ИСТАНБУЛ (АА) - Турскиот машински сектор има за цел да го зголеми уделот на машини во вкупниот извоз на земјата во Германија на 20 отсто, јавува Anadolu Agency (AA).

Шефот на Здружението на извозници на машини, Кутлу Каравелиоглу, денес истакна дека во моментот 15 отсто од вкупниот извоз на Турција во Германија е направен од машинскиот сектор.

„Минатата година, секторот продаде машини во Германија во вредност од 2,5 милијарди долари, а оваа земја е центар на светската машинска индустрија“, нагласи Каравелиоглу.

Тој истакна дека турските бизнисмени во април планираат да се приклучат на машинските саеми во Хановер и во Минхен за да ги зголеми бизнис-контактите.

„Во текот на остатокот од оваа година, нашиот сектор ќе ги зголеми контактите, а секторот ќе ги претстави своите производи на изложбите во Хановер Месе и Баума Минхен“, рече тој.

Истакнувајќи дека турскиот извоз во Германија - нејзиниот главен извозен пазар - неочекувано беше засегнат од тековните глобални трговски спорови, Каравелиоглу додаде: „Нашиот извоз на машини во Германија, во првите два месеца од 2019 година изнесуваше под 400 милиони долари“.

Тој, исто така, рече дека Германија е значаен пазар за машинскиот сектор и дека земјата планира да инвестира 235 милијарди евра (265,1 милијарда долари) во извозот на машини во 2019 година.