Извозот на Туркије во Европа се зголемува и покрај загриженоста на ЕУ за рецесија

ИСТАНБУЛ (АА) - Извозот на Туркије во Европа во јануари се зголеми за 7,1 отсто во однос на истиот месец минатата година, што изнесува вкупно 10,3 милијарди долари, и покрај загриженоста за економската стагнација и рецесија на Европската Унија (ЕУ), покажуваат податоците на Советот на турски извозници (ТИМ), собрани од Анадолу.

Геополитичките тензии со војната во Украина и строгите монетарни политики наспроти високата инфлација предизвикуваат пораст на ранливите точки на Европа.

Заканите на американскиот претседател Доналд Трамп за глобалните царини и потенцијалните дополнителни царини, исто така, влијаат на економијата во регионот.

И покрај негативните случувања, 48 отсто од извозот на Туркије бил реализиран во Европа, покажуваат податоците. Извозот на Туркије се зголемил за 5,8 отсто на годишна основа минатиот месец на 21,1 милијарди долари.

Автомобилската индустрија е прва во однос на турските извозни артикли во Европа, со остварен извоз од вкупно 2,6 милијарди долари во јануари, потоа доаѓа извозот на хемикалии и хемиски производи со 1,4 милијарди долари, па извозот на секојдневна и свечена облека со 1,1 милијарди долари, електричната енергија и електрониката со извоз од 752,7 милиони долари, црни и обоени метали со 767,1 милиони долари и извоз на челик од 66 милиони долари.

Германија го има примено поголемиот извоз од Туркије, 1,6 милијарди долари минатиот месец, следи Велика Британија со 1,1 милијарди долари, Италија со 910,5 милиони долари, Франција со 795,7 милиони долари и Шпанија со 774 милиони долари.

Најголем дел од турскиот извоз во Европа во месец јануари по региони беше од Истанбул, кој во јануари изнесуваше 2,9 милијарди долари.

Потоа следи извозот од северозападните турски области Коџаели и Бурса со 1,4 милијарди, односно 948,8 милиони долари, додека Измир забележа извоз во Европа од 625,1 милиони долари, Анкара од 419,2 милиони долари и Сакарија реализира извоз од 385,7 милиони долари.