Фестивалот Холи: Индијците го одбележуваат доаѓањето на пролетта по двегодишна пауза

АНКАРА (АА) - Традиционалниот пролетен фестивал „Холи“ во Индија е пречекан со радост низ целата земја по двегодишна пауза поради пандемијата на Ковид-19, јавува Анадолу.

Древниот хиндуистички фестивал е познат и како фестивал на боите, што го одбележаа милиони луѓе.

„Нека сите бои на радоста и ентузијазмот секогаш бидат со вас. Ви посакувам на сите среќен и шарен Холи“, напиша индискиот премиер Нарендра Моди.

Фестивалот, кој ја претставува победата на доброто над злото меѓу хиндусите, го симболизира и крајот на зимата и почетокот на пролетта.

Хиндусите ден пред Холи палат огнови и изведуваат разни верски обреди.

Најпознатата карактеристика на фестивалот е фрлањето прав во боја кон присутните. Еден од ритуалите на Холи е и кршење на ќупови со боја поставени на градските улици низ цела Индија.