Во Германија забележан најголемиот дневен број на заразени со Ковид-19 од април

БЕРЛИН (АА) - Во Германија во последните 24 часа се регистрирани 5.132 заразени со Ковид-19, јавува Агенција Анадолија (АА).

Германскиот државен Институт „Роберт Кох“(RKI) објави дека ова е најголемиот дневен број на заразени од април, и дека вкупниот број случаи на Ковид-19 е зголемен на 334.585.

Во последните 24 часа во оваа земја се регистрирани 43 смртни случаи од последиците на Ковид-19, со што вкупниот број на починати од почетокот на пандемијата достигна 9.677. На одделите за интензивна нега во моментот се наоѓаат 620 пациенти заразени со Ковид-19.

Од почетокот на пандемијата во Германија од Ковид-19 оздравеа 281.900 пациенти.