Путин соопшти дека во Русија е регистрирана и втората вакцина против Ковид-19

МОСКВА (АА) - Рускиот претседател, Владимир Путин, соопшти дека во Русија е регистрирана и втората вакцина против новиот вид коронавирус (Ковид-19), јавува Агенција Анадолија (АА).

Путин на состанокот со властите, на кој учествуваше преку видеоконференција, даде информации во врска со студиите за вакцините за Ковид-19.

Истакнувајќи дека денес добиле добри вести во однос на студиите за вакцините во Русија, Путин рече: „Центарот за истражувања „Вектор“ во Новосибирск денес ја регистрираше вакцината наречена „ЕпиВакКорона“ развиена против коронавирусот.“

Првата руска вакцина за Ковид-19 развиена од Институтот за истражување „Гамалеја“ е регистрирана на 11 август.

- Русија ги зголемува меѓународните летови -

Од друга страна, Русија повторно започна со некои меѓународни летови коишто ги откажа поради епидемијата на Ковид-19.

Со одлука на рускиот премиер, Михаил Мишустин, повторно ќе започнат со меѓусебни летови кон Србија, Куба и Јапонија.

Исто така, соопштено е дека бројот на летови од Русија кон Белорусија, Швајцарија, Обединетите Арапски Емирати и Малдивите е зголемен.