Краток филм за масакрот во војната во БиХ номиниран за Оскар

- За Оскар е номиниран хрватскиот филм „Човекот кој не можеше да молчи“, кој ја раскажува приказната за масакрот во Штрпци, каде што беа убиени 19 лица за време на војната во Босна и Херцеговина (БиХ) од 1992 до 1995 година.

АНКАРА (АА) - Според вестите објавени во локалните медиуми, филмот „Човекот кој не можеше да молчи“, во режија на Небојша Слијепчевиќ, кој на големото платно го прикажува масакрот на цивилите (18 Бошњаци и 1 Хрват) од страна на Армијата на Република Српска, ќе се натпреварува за Оскар во категоријата „Најдобар краток филм“, пренесува Анадолу.

Филмот беше избран за најдобар краток филм во Европа од страна на Европската филмска академија, а на Канскиот филмски фестивал ја освои наградата „Златна палма“.

Филмот ја раскажува приказната за 19 цивили кои биле киднапирани и убиени на постојката Штрпци во Босна и Херцеговина на 27 февруари 1993 година, додека патувале со воз од српскиот главен град Белград кон црногорскиот приморски град Бар.

Приказната на филмот се фокусира на пензионираниот хрватски офицер Тома Бузов, кој не можел да молчи кога 18 босански цивили биле киднапирани во воз, по што и тој е погубен.

19-те цивили кои беа убиени откако се симнаа на постојката Штрпци во Босна и Херцеговина, подоцна биле фрлени во реката Дрина. Оттогаш изминаа 32 години, а пронајдени се само телата на четворица од 19-те убиени.