Во Саудиска Арабија сменети повеќе министри

РИЈАД (АА) - Во рамките на ревизијата, во Владата на Саудиска Арабија извршени се промени на чело на неколку министерства, вклучувајќи го и Министерството за надворешни работи, пренесува Anadolu Agency (AA).

Саудиската новинска агенција СПА ја објави одлуката на саудискиот крал Селман бин Абдулазиз, со која е извршена ревизија на Кабинетот во Ријад.

Ибрахим ал Асаф е именуван за нов министер за надворешни работи на Саудиска Арабија.

Министерството за надворешни работи на Саудиска Арабија на официјалната интернет-страница ја потврди веста за промена на досегашниот министер Адел ал Џубеир.

На местото на досегашниот министер за информирање, Авад бин Салих ал Авад, именуван е Турки ал Шебане.

Сменет е и досегашниот саудиски министер на Националната гарда, Халид бин Абдулазиз бин Ајаф, а на негово место е именуван Абдула бин Бендер.

Хамад ал Шеких е нов министер за образование на Саудиска Арабија, а функцијата ја презеде од досегашниот министер Ахмед бин Мухамед ал Иса.