Турскиот министер за ЕУ повика да се отворат поглавјата 23 и 24

АНКАРА (АА) - Турскиот министер за европски прашања и главен преговарач со ЕУ, Омер Челик денеска во Анкара изјави дека Турција очекува да се отворат поглавјата 23 и 24 во преговорите за членство во ЕУ, што се однесуваат на слободата на медиумите и темелните права и слободи, јавува Anadolu Agency (AA).

Потсетувајќи на критиките за прашањата поврзани со ова поглавје, Челик повика на нивното отворање, ако целта е зајакнување на демократијата.

Во посета на Анкара денеска престојуваат високиот претставник на ЕУ за надворешна политика и безбедност Федерика Могерини, и комесарот за проширување на ЕУ, Јоханес Хан.