Марин Ле Пен повторно избрана за претседателка на „Национален фронт“

ПАРИЗ (АА) - Француската десничарска партија „Национален фронт“, повторно ја избра Марин Ле Пен за претседателка, пренесува Anadolu Agency (AA).

За повторен избор на Марин Ле Пен како претседателка, гласаа 79 отсто од присутните на Партискиот конгрес.

Марин Ле Пен беше единствена кандидатка за позиција на претседателка на партијата.

На нејзиниот татко, Жан Мари Ле Пен, на денешниот Конгрес на партијата му е одземена титулата „почесен претседател“ на таа политичка организација.

Жан Мари Ле Пен во 2015 година е избркан од партијата поради антисемитски изјави, но ја задржа титулата „почесен претседател“.

Денешното гласање е последен удар за него, кој во 1972 година ја основа партијата, а во 2002 година освои второ место на претседателските избори со речиси 18 отсто од гласовите.