Мајк Џонсон реизбран за спикер на Претставничкиот дом на САД

ВАШИНГТОН (АА) - Републиканецот Мајк Џонсон е реизбран за претседател на Претставничкиот дом на Соединетите Американски Држави (САД) на првото гласање денес со 218 гласа „за“ и 215 гласа „против“, јавува Анадолу.

Новоизбраниот 119-ти американски Конгрес започна со работа, каде републиканците имаат целосна контрола врз двата дома за прв пат од 2019 година.

По положувањето официјална заклетва на новите членови, првата работа во Претставничкиот дом беше да се избере негов претседател.

Веднаш по изборите на 5-ти ноември, Џонсон беше едногласно номиниран од неговата партија за местото спикер на Претставничкиот дом.