Кремљ: Не ја исклучуваме можноста за средба помеѓу Путин и специјалниот пратеник на САД, Стив Виткоф

ИСТАНБУЛ (AA) – Кремљ денес соопшти дека Москва не ја исклучува можноста за средба на рускиот претседател Владимир Путин со специјалниот пратеник на САД, Стив Виткоф, кој треба да ја посети Русија оваа недела, јавува Анадолу.

„Не ја исклучуваме можноста за одржување таква средба“, изјави портпаролот на Кремљ, Дмитриј Песков, на редовниот брифинг со новинарите.

Изјавата доаѓа откако американскиот претседател Доналд Трамп вчера најави дека Виткоф би можел да патува во Русија во среда или четврток.

Се очекува посетата да се одржи неколку дена пред истекот на 10-дневниот рок што Трамп го постави за постигнување договор за прекин на огнот меѓу Русија и Украина. Рокот истекува на 8 август.

Во јуни Трамп ѝ даде на Русија 50-дневен рок за да постигне договор со Украина, заканувајќи се дека ќе воведе царини до 100% за Русија и нејзините трговски партнери доколку не се постигне договор.

На 29 јули Трамп објави дека одлучил да го скрати рокот на 10 дена поради, како што рече, своето „разочарување“ од однесувањето на Путин.

Во разговорот со новинарите Песков, исто така, изјави дека Русија не ја исклучува можноста за средба помеѓу Путин и украинскиот претседател Владимир Зеленски.