Саудискиот престолонаследник и Макрон разговараа за регионалната безбедност и стабилност

Саудискиот престолонаследник Мохамед бин Салман и францускиот претседател Емануел Макрон телефонски разговараа за регионалните случувања и напорите за зајакнување на безбедноста и стабилноста, јави денес Саудиската новинска агенција (СПА), пренесува Анадолу.

Според СПА, разговорот бил фокусиран на актуелните регионални случувања и напорите за нивно надминување, вклучително и осигурувањето на безбедноста и непреченото пловење.

Двајцата лидери разговарале и за саудиско-француските односи, можностите за продлабочување на билатералната соработка, како и за регионалните и меѓународните прашања од заеднички интерес.

Телефонскиот разговор се одржа во услови на засилени регионални тензии што започнаа на 28 февруари, кога Израел и САД извршија координирани напади врз Иран, насочени кон воена, нуклеарна и енергетска инфраструктура.

Техеран возврати со ракетни и беспилотни напади врз израелски и американски цели низ регионот.

На 18 јуни Иран и САД, со посредство на Пакистан и Катар, потпишаа меморандум за разбирање, со кој беа прекинати активните непријателства и беа започнати преговори за постигнување конечен договор.

Подоцна преговорите беа во застој поради несогласувања поврзани со поморската безбедност и непреченото пловење низ Ормускиот Теснец.