Сомалиските и американски сили неутрализираа 136 терористи на Ал Шабаб

Сомалиските и американските сили во изминатите денови ги интензивираа операциите против терористичката организација Ал Шабаб, која е главна безбедносна закана во Сомалија

ИСТАНБУЛ (АА) - Најмалку 136 припадници на терористичката организација Ал Шабаб се неутрализирани во операција спроведена во Сомалија од страна на сомалиските и американските сили, пренесува Агенција Анадолија (АА).

Сомалиската национална телевизија (СНТВ) објави дека специјалните сили на националната разузнавачка служба и американската војска извеле заедничка операција против терористичката организација Ал Шабаб во покраината Долен Шабел.

Во операцијата убиени се 136 припадници на терористичката организација, меѓу кои и некои нејзини водачи, како Моалим Салахеј, Салман Дере и Моалим Хаши.

Сомалиските и американските сили во изминатите денови ги интензивираа операциите против терористичката организација Ал Шабаб, која е главна безбедносна закана во Сомалија, која со децении е средиште на длабока политичка и безбедносна криза.