Шефовите на дипломатијата на Азербејџан и Ерменија се сретнаа на маргините на Генералното собрание на ОН

Азербејџанскиот министер за надворешни работи Џејхун Бајрамов и ерменскиот министер за надворешни работи Арарат Мирзојан се сретнаа на маргините на 81. заседание на Генералното собрание на ОН во Њујорк, јавува Анадолу.

Бајрамов и Мирзојан ја истакнаа важноста на мирот меѓу нивните земји и го разгледаа напредокот постигнат по самитот одржан во Вашингтон во август 2025 година, на кој Баку и Ереван потпишаа заедничка декларација и мировен договор, се наведува во соопштението на азербејџанското Министерство за надворешни работи.

„Посебно внимание му беше посветено на деблокирањето на економската и транспортната инфраструктура меѓу Азербејџан и Ерменија“, се наведува во соопштението.

Двајцата министри ги посочија трговските и транзитните активности меѓу нивните земји како „практични примери за придобивките од мирот“, се додава во соопштението, при што размениле мислења и за можноста за унапредување на позитивна агенда во рамките на различни мултилатерални платформи.

„Министрите се согласија да продолжат со директниот дијалог“, се додава.

Идентично соопштение по разговорите објави и ерменското Министерство за надворешни работи.