Авганистан: Во бомбашки напад на талибанците загинаа осум лица

КАБУЛ

Најмалку осум лица загинаа во напад на подрачјето на Белх, на северниот дел на Авганистан, пренесува Агенција Анадолија (АА).

Адилсах Адил, портпаролот на полицијата на Белх, изјави дека талибанците поставиле бомба на патот на подрачјето Алем Хила во Белх. Активирана е кога на тој дел на патот поминувало оклопно возило на безбедносните сили. По експлозијата следуваше вооружен напад.

Адил потврди дека загинале седум припадници на безбедносните сили и еден цивил. Како тој изјави, ранети се шест лица.

Адил изјави дека имало жртви и на страна на талибанците. Меѓутоа, оние сеуште не се огласиле во врска со овој напад.