Автобус падна во провалија во Индонезија, 27 загинати

ЏАКАРТА (АА) - Најмалку 27 лица загинаа, а 39 се повредени кога автобус со студенти и нивните родители падна во провалија на индонезискиот остров Јава, пренесува Агенција Анадолија (АА).

Министерството за транспорт соопшти дека автобусот со ученици од средните училишта, наставници и нивните родители кои се враќале од патување во близина на градот Сумеданг паднал во 20-метарска провалија откако возачот изгубил контрола над воланот.

Се истакнува дека во сообраќајната несреќа животот го загубиле 27 лица, а 39 се повредени, на кои лекарска помош им е укажана во болниците.

Полицијата започна истрага за несреќата. Од друга страна, некои патници тврдеа дека на автобусот му откажале кочниците.

Во Индонезија сообраќајните несреќи се чести поради ниските безбедносни мерки и лошата инфраструктура.