Бајден изјави дека Израел ја зема предвид загриженоста на САД поради израелските напади врз Рафа

АНКАРА (АА) - Американскиот претседател Џо Бајден изјави дека Израел ја зел предвид загриженоста на Вашингтон поради израелските напади врз градот Рафа, во јужниот дел на Појасот Газа, јавува Анадолу.

Бајден, кој ја посети Франција за 80-годишнината од истоварувањето во Нормандија, даде изјава за Еј-би-си њуз за нападите на Израел врз Палестина.

Бајден изјави дека израелскиот премиер Бенјамин Нетанјаху не ја игнорирал загриженоста на Вашингтон за нападите врз Рафа и рече: „Мислам дека ме слуша. Сакаа да влезат во Рафа со полна брзина, сакаа целосно да ја окупираат Рафа, да го заземат градот, тие не го направија тоа.“

Осврнувајќи се на предлогот за трифазен прекин на огнот за Газа, Бајден рече дека Израел го прифатил важниот договор и дека Нетанјаху јавно ја изразил својата поддршка за предлогот.

Бајден изјави дека и Хамас треба да го прифати предлогот и наведе дека нацрт-примирјето го поддржува речиси целиот арапски свет.

„Мора да воспоставиме прекин на огнот“, рече Бајден.

На прес-конференцијата одржана во Белата куќа на 31 мај американскиот претседател Џо Бајден објави дека Израел дал нов предлог во врска со прекинот на огнот и заробениците во Газа.