Бригадите Ал-Касам истрелаа ракети кон Тел Авив и околината

КУДС/ЕРУСАЛИМ (АА) - Бригадите Ал-Касам, вооруженото крило на палестинската група Хамас, рано утрово истрелаа голем број ракети од Појасот Газа кон израелскиот град Тел Авив и неговата околина, активирајќи ги сирените, пренесува Анадолу.

Израелското армиско радио соопшти дека цел на ракетите биле и градовите Ришон Лезион, Лод, Рамла, Бнеи Брак и Сдерот, покрај еврејската населба Модиин Илит во централниот дел на окупираниот Западен Брег.

Бригадите Ал-Касам преку својот канал на Телеграм потврдија дека го бомбардирале Тел Авив и неговите предградија.

„Бригадите Ал-Касам го бомбардираат градот Тел Авив и неговите предградија со ракети М90 како одговор на ционистичките масакри врз цивилите“, се наведува во соопштението на групата.

Во соопштението се додадени и видеоснимки од истрелувањето на ракетите.

Засега нема извештаи за загинати, повредени или предизвикана штета од ракетите.