Бројот на загинати во земјотресите во Мјанмар надмина 3.000

БАНГКОК (АА) - Најмалку 3.003 лица досега ги загубиле животите во земјотресите со јачина од 7,7 и 6,4 степени што го потресоа Мјанмар, известува Анадолу.

Според веста на мјанмарската државна телевизија МРТВ, зголемен е бројот на загинати и повредени во земјотресите што се случија во земјата на 28 март.

Бројката на загинати во земјотресите се зголеми на 3.003, а на повредени достигна 4.639.

- Воената влада отвори оган врз кинескиот Црвен крст

Во веста што ја објави „Мјанмар нау“ портпаролот на воената администрација, генерал-мајор Зау Мин Тун, потврдил дека армијата отворила оган врз конвојот на Здружението на кинескиот Црвен крст, кој се движел кон северната држава Шан за да достави помош во областите погодени од земјотресите.

Тун во врска со конвојот од девет возила, кој се обидувал да помине низ областа контролирана од Националната ослободителна армија Таанг, рече:

„Се обидовме да го запреме конвојот, но не застана. Потоа пукавме како предупредување од околу 100 метри.“

- Земјотресите во Мјанмар

Два земјотреса со јачина од 7,7 и 6,4 степени се случија на 28 март во близина на регионот Сагаинг во централниот дел на Мјанмар. Земјотресите биле силно почувствувани и во Тајланд и Кина.

Земјотресите предизвикаа големи разурнувања во земјата и се стравува дека е можно бројката на загинати уште повеќе да се зголеми.