Бројот на загинати во нападите на Израел врз Газа се зголеми на 50.944

ИСТАНБУЛ (АА) - Бројот на луѓе кои ги загубија животите во нападите што израелската армија ги изврши врз Појасот Газа од 7 октомври 2023 година, се зголеми на 50.944, од кои 11 во последните 24 часа, известува Анадолу.

Во писменото соопштение на Министерството за здравство во Газа, беа споделени најновите информации за жртвите и повредените во време на тековни израелски напади врз Газа.

Евидентирано е дека во последните 24 часа во болниците во Газа биле донесени телата на 11 лица и 111 повредени.

Од 18 март, кога Израел ги обнови нападите врз палестинската енклава, со што го прекрши прекинот на огнот договорен на 19 јануари, убиени се најмалку 1.574 Палестинци , а 4.115 се повредени.

Со убиените во последните израелски напади, бројот на Палестинци кои ги загубија животите во нападите на Израел врз Појасот Газа од 7 октомври 2023 година се зголеми на 50.944, а бројката на повредени надмина 116.156.

Се претпоставува дека под урнатините во Појасот Газа сѐ уште има илјадници мртви.