Бројот на заразени со Ковид-19 во светот надмина 40,2 милиони лица

ЊУЈОРК

Бројот на заразени со новиот тип коронавирус во светот надмина 40,2 милиони, јавува Агенција Анадолија (АА).

Порталот „Worldometer“ објавува ажуриран преглед на глобалната епидемиолошка слика од почетокот на пандемијата на Ковид-19, а според последните податоци, во светот бројот на случаите на заразување е зголемен на 40.282.000.

Во светот досега од последиците на Ковид-19 починаа 1.118.330 лица, се излекуваа повеќе од 30,1 милион, а бројот на активни случаи изнесува повеќе од 9,04 милиони.

Од пандемијата на Ковид-19 најтешко се погодени САД, со повеќе од 8,3 милиони заразени лица и 224.730 починати.

Според бројот на заразени, по САД следуваат Индија со повеќе од 7,5 милиони, Бразил со 5,2 милиони, Русија 1,3 милиони и Аргентина со 989.680 случаи на заразување.

Според бројот на починати, по САД следуваат Бразил со 153.905, Индија 114.642, Мексико 86.167 и Велика Британија со 43.646 починати лица.