Во воздушен напад на Идлиб загинаа 2 цивили, 5 цивили се ранети

ИДЛИБ (АА)

Во воздушен напад на руските воздухопловни сили врз зоната на деескалација во Идлиб, загинаа 2 цивили, а 5 цивили се повредени, пренесува Анадолу.

Според информациите добиени од опозициската опсерваторија за следење авиони, во 22:28 часот по локално време, руски воен авион, што полетал од воздухопловната база „Химеимим“ во Латакија, извршил воздушни напади врз селото Аин Шиб во Идлиб.

Цивилната одбрана (Бели шлемови) на Сирија соопшти дека во нападот животот го загубиле 2 цивили, а 5 цивили се повредени.

Повредените се пренесени во околната болница.

- Ситуацијата во Идлиб

На состанокот во Астана во 2017 година, Туркије, Русија и Иран одлучија да формираат 4 деескалациски зони во областа која не е под контрола на сириската администрација.

Администрацијата на Дамаск, Русија и терористичките групи поддржани од Иран, ги продолжија своите напади и презедоа три од четирите региони и се упатија кон Идлиб.

И покрај тоа што Туркије со Русија во септември 2018 година постигна дополнителен договор за зацврстување на прекинот на огнот, нападите повторно се интензивираа во мај 2019 година.

По новиот договор меѓу Туркије и Русија на 5 март 2020 година, прекинот на огнот во голема мера е зачуван.

Во периодот од 2017 до 2020 година, околу 2 милиони цивили беа принудени да мигрираат во регионите близу турската граница поради нападите на Русија и режимските сили.