Во израелски воздушен напад на Газа убиени 4 деца на камерманот на Агенција Анадолу

ГАЗА (АА) - Во синоќешниот израелски напад на Газа убиени се 4 деца на камерманот на Агенција Анадолу, Мохамед Алалул и уште тројца членови на неговото семејство, известува Анадолу.

Во истиот напад ранети се родителите, сопругата и уште едно дете на Алалул, кој работи како фриленсер репортер за Анадолу.

Куќата на Алалул во потполност е уништена во израелското бомбардирање на бегалскиот камп Ал Магази во Газа.

Сопругата на Алалул е тешко ранета и префрлена е на лекување на интензивна нега.

Најмалку 51 лице се убиени во израелскиот воздушен напад на бегалскиот камп Ал Магази, а ранети се на десетици луѓе.