Во оружен напад во средно училиште во САД загинаа 3 лица, 6 се повредени

ЊУЈОРК (АА) - Во оружениот напад извршен вчера напладне во средно училиште во американската сојузна држава Мичиген животот го загубија 3 лица, а 6 се повредени, пренесува Агенција Анадолија (АА).

Во соопштението на кабинетот на шерифот на округот Оукленд се наведува дека ученик во Средното училиште „Оксфорд“ повредил 6 лица и убил 3 лица со пиштолот што го донел на училиште.

Се нагласува дека СВАТ-тим интервенирал од воздух со хеликоптер по оружениот напад изведен во Средното училиште „Оксфорд“.

Исто така се вели дека училиштето во кое е извршен нападот било евакуирано, додека властите информираа дека сличен напад во Мичиген немало во последните 40 години.

Заменик-шерифот Мајк МекКејб рече дека од пиштолот на уапсениот средношколец се испукани меѓу 15 и 20 куршуми, а напаѓачот не пружил отпор при приведувањето.

МекКејб нагласи дека осомничениот одбил да зборува за причината за нападот.

„Според точката до која дојдовме, сметаме дека тој дејствувал сам“, МекКејб.

Напаѓачот е 15-годишно момче кое учело во истото училиште.