Во Русија и Украина се огласи тревога за воздушен напад

МОСКВА (АА) - Украинските власти денес четврти пат прогласија тревога за воздушен напад во Киев, јавува Анадолу.

Сирените се огласија и во неколку региони, вклучително и Виниција, Житомир, Полтава, Ривне, Суми, Черкаси и Чернихив.

Претходно американската амбасада во Киев најави дека ќе остане затворена на 20 ноември поради безбедносни закани, по што следуваа слични најави од грчката, шпанската и италијанската амбасада.

Во меѓувреме, предупредување за воздушен напад беше објавено и во руската област Краснодар, во близина на украинската граница.