Германија ќе плати отштета од 1,4 милијарди долари за преживеаните од холокаустот

КЕЛН (АА) - Германија следната година ќе ја зголеми отштетата за преживеаните од холокаустот на 1,4 милијарди долари, јавува Анадолу.

Во соопштението на институцијата која се занимава со барањата во името на еврејските жртви од нацистичката ера, се наведува дека е одлучено да се платат 888,9 милиони американски долари за обезбедување домашна нега и услуги за поддршка на слабите и ранливи жртви на холокаустот како резултат на преговорите со германското Министерство за финансии.

Освен тоа, според Конференцијата за еврејски имотни барања против Германија, има зголемување од 175 милиони долари во симболичните исплати на фондот Хартшип за 128.000 преживеани од холокаустот низ светот.

Беше наведено дека преку различни планови и програми ќе бидат исплатени вкупно 1,4 милијарди долари.