Еруптира вулканот Анак Кракатау, во еден ден над 100 експлозии

ЏАКАРТА (АА) - Во последните 24 часа регистрирани се вкупно 101 експлозија на индонезискиот вулкан Анак Кракатау, пренесува Anadolu Agency (AA).

Од Агенцијата за метеорологија, клима и геофизика (BMKG) на Индонезија соопштија дека 101 експлозија се случила во рок од еден ден и предупредија дека е интензивирана активноста на вулканот кој се наоѓа меѓу островите Суматра и Јава.

Од Агенцијата велат дека е забележано слевање на лава низ јужниот кратер, која при експлозиите се подигнува и 100 до 200 метри во висина.

Тие во саботата соопштија дека во еден ден се случиле 348 експлозии на вулканот.

Упатено е предупредување до луѓето што живеат околу вулканот да преминат на безбедни места.

Во Индонезија се наоѓаат 130 активни вулкани.