Ерупција на вулканот Канлаон на Филипини

АНКАРА (АА) - Еруптираше вулканот Канлаон на островот Негрос на Филипини, известува Анадолу.

Филипинскиот институт за вулканологија и сеизмологија (Phivolcs) објави дека ерупцијата на вулканот Канлаон се случила во 05:51 часот по локално време.

Во соопштението се наведува дека според првичните извештаи, за време на ерупцијата од вулканот била исфрлена пепел во височина до 4.000 метри.

Камерите на регионалната станица покажуваат како лавата се слева по падините на вулканот.

Вулканот Канлаон беше активен и во јуни и декември 2024 година. По ерупциите нивото на тревога за вулканот Канлаон од 2 беше кренато на 3.