ЕУ: Без заедничка одлука за случувањата во источното Средоземје

БРИСЕЛ

Советот за надворешни работи на Европската унија преку видеоконференција одржа вонредна седница со која претседаваше високиот претставник на Европската унија за надворешна политика и безбедност Џозеп Борел, јавува Агенција Анадолија (АА).

Во текот на заседавањето на министрите за надворешни работи на земјите членки на ЕУ не е донесена заедничка одлука во врска со случувањата во источното Средоземје, а одлучено е дека Унијата ќе ѝ воведе санкции на Белорусија.

Според информациите од дипломатски извори на ЕУ, Грција и управата на Кипарските Грци барале да се осудат чекорите на Турција во источниот Медитеран, но за тоа не е донесена заедничка одлука.

Многу земји членки, вклучувајќи ја Германија и администрацијата на ЕУ не го подржале ваквиот предлог.

Борел по состанокот на социјалните мрежи објави дека се солидаризираат со Грција и Кипар и ја повика Турција на дијалог и намалување на напнатоста.

Истакна дека на состанокот е договорено на Белорусија да ѝ бидат воведени санкции поради насилното гушење на граѓанските протести против наводната изборна кражба и победа на претседателот Александар Лукашенко на претседателските избори.

ЕУ исто така, објави дека не ги признава резултатите од изборите, наведувајќи дека не биле „фер и слободни".