Selen Temizer
11 Април 2022•Ажурирај: 12 Април 2022
БРИСЕЛ (АА) - Високиот претставник на Европската Унија за надворешна политика и безбедност (ЕУ), Жозеп Борел, изјави дека на маса е можноста за нови санкции против Русија, јавува Агенција Анадолија (АА).
Започна состанокот на министрите за надворешни работи на ЕУ, пред кој Борел одговараше на прашањата на медиумите.
На прашањето дали ги разгледува опциите за ембарго на руската нафта, Борел рече дека санкциите се секогаш на маса и дека министрите ќе разговараат за новите чекори.
Тој истакна дека при посетата на Украина забележал дека руските сили се насочени кон Донбас.
Министрите за надворешни работи на ЕУ на состанокот во Луксембург ќе разговараат и за заклучоците од Самитот на лидерите на 24 и 25 март.
Предвидено е да се разговара и за настаните во Мали, Либија и Јемен, а на средбата ќе присуствуваат и министрите за надворешни работи на Норвешка и Исланд, Аникен Хуитфелд и Тордис Колбрун Рејкфјорд Гилфадотир.
