БАХМУТ (АА)
– Давит КАЧКАЧИШВИЛИ
Украинските војници со месеци се на фронтот во Доњецк, каде што продолжуваат жестоките судири со руските сили, јавува Анадолу.
Судирите помеѓу двете војски продолжуваат во Луганск, Харков, Херсон и Запорожје, а најжестоките судири се во правец на Бахмут, Авдеевка, Маринка и Вухледар во Доњецката Област.
Жестоките судири траат со месеци во Бахмут, кој има стратегиско значење.
Стигнувајќи на линијата на фронтот во правец на Бахмут, екипата на Анадолу ја забележа состојбата на теренот.
Непрекинати звуци на експлозии се слушаат во подрачјето каде што се тенковите, гасеничните и други оклопни возила со пешадијата.
Украински војник со кодно име „Блесок“ и офицер на бригадата чии припадници се собраа на фронтот се подготвени за улични судири во Бахмут.
Овој украински војник е на фронтот веќе една година. За состојбата на теренот говореше додека влегуваше во оклопното возило што превезува војници за влез во Бахмут, до кој може да се стигне само на овој начин бидејќи патиштата се под постојани напади.
На почетокот на војната тој бил на линија на фронтот во Харков.
Овој 50-годишник сега се бори на подрачјето на Доњецк.
„Сега се подготвуваме да влеземе во Бахмут“, рече друг украински војник.
Тој истакна дека ситуацијата во градот е тешка.
Друг 29-годишен војник, со кодно име „Музичар“, рече: „Сега одиме во Бахмут. Таму се водат тешки борби.“
Порача дека се подготвени да дадат сè од себе за да ја добијат војната.
„Ќе се бориме колку што е потребно за да победиме. Ќе се бориме докрај. Сè ќе биде в ред, ситуацијата е под наша контрола“, изјави војникот со кодно име „Тигар“.
