Земјите од ЕУ се договорија за данокот на јаглерод

БРИСЕЛ (АА) - Земјите членки на Европската Унија (ЕУ) се согласија да применуваат данок на јаглерод на царините за некои производи купени од трети земји, известува Агенција Анадолија (АА).

Советот на Европа објави дека земјите членки се договориле за регулатива наречена Механизам за регулирање на јаглерод на границите (CBAM).

Во соопштението е забележано дека предметниот механизам е подготвен за заштита на животната средина и неговата основна цел е да се спречи емисијата на јаглерод.

Нагласувајќи дека земјите се охрабруваат да креираат политики за цените на јаглеродот во борбата против климатските промени, се наведува дека оваа регулатива е насочена кон увозот на стока која е произведена со интензивна потрошувачка на јаглерод надвор од ЕУ.

Во соопштението се наведува дека производите, меѓу кои спаѓаат и цементот, алуминиумот, ѓубривата, електричната енергија, железото и челикот кои доаѓаат од трети земји, ќе подлежат на данок на јаглерод.

Истакнувајќи дека стоката со вредност помала од 150 евра ќе биде ослободена од наведените обврски, се истакнува дека приближно една третина од пратките до ЕУ спаѓаат во оваа категорија и ова ослободување ќе го олесни административниот товар.

Во соопштението се наведува дека во Советот сè уште се разговара за темите околу приходите од наведениот механизам и соработката со третите земји, и се додава дека преговорите со Европскиот парламент (ЕП) ќе започнат откако ќе се постигне доволен напредок за овие прашања.

Со механизам на границите за регулирање на јаглеродот, ЕУ има за цел да го следи и намали увозот на стоки произведени со висока емисија на јаглерод од земји кои немаат систем за оданочување на јаглеродот.

За да стапи во сила споменатиот механизам, потребно е тој да биде официјално одобрен од Советот на ЕУ и Европскиот парламент (ЕП).