Земјотрес со интензитет од 5 степени почувствуван источно од Токио

ТОКИО (АА) - Јапонската метеоролошка агенција (ЈМА) објави дека во 19:04 часот по локално време, регистриран е земјотрес со интензитет од 5 степени во северозападниот дел на префектурата Чиба, известува Агенција Анадолија (АА).

Земјотресот бил на длабочина од 70 километри, а по потресот не е дадено предупредување за можно цунами.

Потресот е почувствуван на територијата на главниот град и во околните префектури Саитама, Канагава и Ибараки.

Префектурата Чиба се наоѓа на брегот на Тихиот Океан.