Земјотрес со јачина од 6,5 степени го погоди Ел Салвадор

САН САЛВАДОР (АА) - Земјотрес со јачина од 6,5 степени ја погоди централноамериканската држава Ел Салвадор, пренесува Анадолу.

Американскиот геолошки институт (УСГС) објави дека епицентарот на земјотресот бил на 43 километри јужно од регионот Интипука.

Земјотресот е регистриран на длабочина од 70 километри.

Се почувствувал и во Хондурас, Никарагва и Гватемала, соседните земји на Ел Салвадор и предизвикал страв кај луѓето.

Граѓаните ги напуштија домовите и панично излегоа на улица.

Според првите процени, од земјотресот нема човечки жртви или материјална штета.