Земјотрес со јачина од 6 степени ја потресе Јужна Јапонија

АНКАРА (АА) - Земјотрес со јачина од 6 степени според Рихтер е почувствуван крај брегот на префектурата Кагошима во Јужна Јапонија, известува Анадолу.

Според јапонската метеоролошка агенција, земјотрес со јачина од 6 степени според Рихтеровата скала е почувствуван во близина на брегот на Кагошима во 23:04 часот по локално време, на длабочина од 40 километри.

Според државната телевизија НХК, потресот бил почувствуван во крајбрежните префектури во регионот Кјушу, вклучително и Мијазаки.

Официјалната агенција Кјодо соопшти дека по земјотресот не е дадено предупредување за цунами во регионот.