Избори во Венецуела: Социјалистите после 17 години отидоа во опозиција

КАРАКАС (АА) - Најсилната опозициска партија Унија на демократското единство (MUD) на вчерашните парламентарни избори во Венецуела избори историска победа и после 17 години социјалистите ќе бидат опозиција во парламентот, јавува Anadolu Agency (AA).

Според непотполните прелиминарни резултати кои Врховната изборна комисија ги објави, опозициската МУД освои 99, а владеачката Социјалистичка партија (PSUV) доби 46 застапнички места во парламентот кој брои вкупно 167 места. Со пребројување на останатите гласови ќе биде познато и на кого ќе му припаднат преостанатите 22 пратенички места, но веќе е јасно дека MUD ќе има парламентарно мнозинство.

Венецуелскиот претседател Николас Мадуро го призна изборниот пораз и порача дека не победила опозицијата туку ,,контрареволуцијата".

Од друга страна, опозицискиот лидер Енрике Каприлес порача дека Мадуро не сватил што се случува во Венецуела, ниту што е пораката на гласачите.

На претходните избори одржани 2010 година, Социјалистичката партија доби 98, а опозицијата 64 пратенички места.