Израел во нападите на Газа уби 30.717 Палестинци, 86 последните 24 часа

АНКАРА (АА) - Бројот на загинати Палестинци во смртоносната офанзива на Израел врз Појасот Газа од 7 октомври 2023 година се зголеми на 30.717, соопшти денес Министерството за здравство во енклавата, пренесува Анадолу.

Израелскиот смртоносен напад врз Газа влезе во својот 152-ри ден.

Во тековните напади на Израел повредени се и 72.156 Палестинци, се додава во соопштението.

Се истакнува дека израелската војска во изминатите 24 часа извршила девет масакри низ Појасот Газа во кои загинале 86 лица, додека 113 се повредени.

„Многу луѓе се заробени под урнатините и на патиштата, спасувачите не можат да стигнат до нив“, се додава.

Министерството соопшти дека израелската војска досега убила 348 лица медицински персонал, а уапсила 269, вклучително и директори на болници во северниот дел на Појасот Газа и во Хан Јунис на југот.

Израел започна смртоносна офанзива на Појасот Газа по прекуграничниот упад на Хамас на 7 октомври.

Според Обединетите нации, израелската војна во Газа принуди 85 отсто од населението внатрешно да се расели, предизвика постојан недостиг на храна, чиста вода и лекови, додека 60 отсто од инфраструктурата на енклавата се оштетени или уништени.

Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните дејства и да преземе мерки за да се гарантира влез на хуманитарната помош за цивилите во Газа.