Израел продолжи да ја бомбардира Газа, на мета бегалскиот камп Ал Шати

ГАЗА (АА) - Израелските сили продолжија и синоќа да изведуваат воздушни и копнени напади на Појасот Газа, а на мета беше бегалскиот камп Ал Шати во западниот дел на градот Газа, известува Анадолу.

На снимките се слушаат експлозии на повеќе локации.

Израелската војска на 2. ноември најави дека ќе започне интензивни напади и го повика населението од бегалскиот камп Ал Шати „под итно да го евакуира тоа подрачје“.

Израелските авиони претходно фрлија летоци на бегалскиот камп, повикувајќи на евакуација.

Во брошурите пишувало „Израелската војска бара од населението на кампот Ал Шати под итно да се пресели во подрачја јужно од Ал Маваси, западно од градот Хан Јунис“. Во барањето се наведува дека бегалците треба да заминат јужно од улицата Ел Рашид, која ги поврзува северот на Појас Газа со југот.

Претходно израелските сили побараа Палестинците од северните делови на Појасот Газа да се евакуираат во градот Газа и неговите северни делови.

Оваа недела израелската војска ги прошири своите воздушни и копнени напади со неселективно бомбардирање на цивилни населби, станбени објекти, џамии, цркви, но и болници во Појасот Газа, кој се под немилосрдни напади по неочекуваната офанзива на Хамас на 7. октомври.

Во израелските напади на Појасот Газа од 7. октомври досега убиени се најмалку 9.488 Палестинци, а во исто време убиени се повеќе од 1.500 Израелци.