Израелски воени авиони извршија воздушен напад југозападно од Дамаск

ДАМАСК (АА) - Израелски воени авиони денес извршија воздушен напад врз Тел ал-Шахем, југозападно од сирискиот главен град Дамаск, изјавија локални извори за Анадолу.

Изворите наведоа дека нападната локацијата била користена како воена база на силите на Башар ал Асад пред падот на режимот.

За време на нападот во Дамаск се слушнале силни експлозии, истакнаа изворите.

Асад, лидер на Сирија речиси 25 години, побегна во Русија откако антирежимските групи ја презедоа контролата врз Дамаск на 8 декември, ставајќи крај на владеењето на партијата Баас, која беше на власт од 1963 година.

Преземањето на контролата дојде откако борците на Хајат Тахрир ал-Шам ги зазедоа клучните градови во молскавична офанзива која траеше помалку од две недели. Новата администрација предводена од Ахмед ал Шара сега управува со земјата.

Израелската војска ги интензивираше нападите врз сириските територии по падот на Асад, насочени врз воената инфраструктура и објекти, проширувајќи ја контролата врз окупираната Голанска Висорамнина.

Израел го окупираше најголемиот дел од Голанската висорамнина од Блискоисточната војна во 1967 година. По падот на режимот на Асад, Тел Авив ја зазеде демилитаризираната зона во сириската провинција Кунеитра и прогласи колапс на Договорот за раздружување од 1974 година.