Израелскиот министер за одбрана Галант: Хамас направи голема грешка

КУДС (АА) - Израелскиот министер за одбрана Јоав Галант изјави дека Хамас направил „голема грешка“ започнувајќи војна против Израел, известува Анадолу.

Галант објави видео-порака во врска со ракетните напади што Хамас, активно палестинско движење на отпорот во Појасот Газа, ги изведе врз Израел.

Во пораката што ја сподели израелското Министерство за одбрана, Галант вели:

„Хамас ова утро направи голема грешка и започна војна против државата Израел. Израелските војници се борат против непријателот на секое место.“

Повикувајќи ги израелските граѓани да се придржуваат до безбедносните протоколи, Галант во пораката тврди дека Израел „ќе победи во оваа војна.“

Бригадата Изедин Касам, военото крило на ХАМАС, рано утринава објави дека ја започнала операција „Aqsa Flood“ против Израел и извршила ракетни напади паралелно со операцијата за инфилтрација во Израел.