Израелските сили го заробија директорот и персоналот на болницата „Камал Адван“ во северна Газа

ГАЗА (АА) - Палестинското Министерство за здравство објави дека израелските сили денес го заробиле Хусам Абу Сафија, директорот на болницата „Камал Адван“ во северниот дел на Газа и други вработени, еден ден откако израелските војници ја запалија единствената главна здравствена установа во подрачјето, јавува Анадолу.

Ова се случи по израелската воена офанзива насочена кон болницата „Камал Адван“ и нејзината околина.

Израелските војници насилно ги евакуираа пациентите и медицинскиот персонал од болницата вчера, а неколкумина беа приведени, пред да запалат голем дел од неа, што ја направи целосно нефункционална, се вели во соопштението на Министерството.

Нападот на болницата „Камал Адван“ принуди да се затвори последната голема медицинска установа во северниот дел на Појасот Газа.

Израел уби повеќе од 45.400 Палестинци во Газа од прекуграничниот напад на Хамас на 7 октомври 2023 година, претворајќи ја енклавата во урнатини.

Минатиот месец, Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за неговите постапки против енклавата.